बियाणं उगवणार की नाही? हे 3 घरगुती उपाय करून लगेच तपासा !

2) रद्दी पेपर पद्धत:
या पद्धतीसाठी रद्दी कागदाला चार घड्या घालून तो ओला करावा लागतो. त्यावर एकूण 100 बियाण्यांच्या 10 ओळी (प्रत्येकी 10 बिया) लावल्या जातात. त्यानंतर कागद गुंडाळून प्लास्टिकच्या पिशवीत ठेवावा. 5–6 दिवसांनी पिशवी उघडून अंकुरित झालेल्या बियाण्यांचे प्रमाण पाहावे. 70% पेक्षा जास्त बियाणे उगवली, तर ती योग्य आहेत. ही पद्धत कागदाच्या उपलब्धतेमुळे सर्वसामान्यांसाठी सहज आहे.Seed Germination :

3) पाण्यात भिजवण्याची त्वरीत पद्धत:
या पद्धतीत 100 बियाण्यांचे तीन नमुने घेतले जातात. बियाण्यांना साधारण 5–7 मिनिटे पाण्यात ठेवले जाते. जे दाणे फुगतात, सुरकुततात किंवा पाण्यावर तरंगतात, ते खराब समजले जातात आणि बाजूला ठेवले जातात. जी बियाणे टरफलसह घट्ट, एकसंध आणि गुळगुळीत आहेत, ती वापरण्यास योग्य मानली जातात. ही पद्धत वेगवान असल्यामुळे वेळेच्या अभावात खूप उपयुक्त ठरते.Seed Germination :

बियाण्यावर पेरणीपूर्वी प्रक्रिया करणे का आवश्यक आहे?
जरी बियाणे उगवणक्षम असले, तरी त्यावर बुरशीनाशक (Fungicide) आणि जैविक खत (Biofertilizer) यांची प्रक्रिया केल्यास बियाण्याचे संरक्षण अधिक चांगले होते. या प्रक्रियेमुळे बियाणे जमिनीत टाकल्यानंतर लगेच सडत नाही, त्यावर रोगजंतूंचा प्रादुर्भाव होत नाही आणि सुरुवातीच्या वाढीला चांगली चालना मिळते. जैविक खतांमुळे मुळांची चांगली वाढ होते, मातीतील पोषणद्रव्ये सहज मिळतात आणि एकूणच पिकाची रोगप्रतिकारशक्ती वाढते.Seed Germination :

दरवर्षी नवीन बियाणे घ्यावे का? Seed Germination :
शेतकऱ्यांमध्ये असा एक गैरसमज आहे की दरवर्षी नवीन बियाणे खरेदी करणे गरजेचे आहे. मात्र, काही पिकं जसे की – मूग, उडीद, गहू, सोयाबीन, भुईमूग, चवळी ही स्वपरागसिंचीत (Self-Pollinated) पिके असल्यामुळे ती एकाच जातीची पुढच्या पिढीतही टिकून राहतात. त्यामुळे एकदा दर्जेदार बियाणे घेतल्यानंतर योग्य प्रकारे साठवणूक आणि उगवणक्षमता तपासल्यास त्याचे बियाणे पुढील २ वर्षांपर्यंत वापरता येते. त्यामुळे सतत बाजारावर अवलंबून राहण्याची गरज नाही आणि बियाण्यावर होणारा खर्चही कमी करता येतो.